棵番茄猛標高點算好？

露台種了一盆番茄共兩株，其中一棵快四呎了，就嚟連衫都晒唔到。聽人講番茄要摘心就唔會猛標高，但係條心ding到咗七八個花 lump，如果摘咗咪無咗好多隻番茄？唔摘又唔知高到去邊，點算？請教有經驗嘅花友，幫我唸唸，唔該哂﹗
       

   重想問多個問題，隔離種咗盆辣淑(有兩株)，頭頂好多葉，也有不少花，但只得一兩個疑似辣椒，駛唔駛摘錦D花 lump，等個兩棵辣椒肥大D？
   

蕃茄係會生到好高，之前我都試過剪左個頂，但佢都一樣向上發展，至於辣椒我習慣係唔會剪左D花佢由得佢生，因為D花都有機會結椒，其實應該加肥料俾佢，不過我都係新手等D高手再同你分享意見啦。

回復 2# Ivana

    唔該 Ivana。請問妳棵番茄高到幾時先停？我而家果棵大約有四呎，停得未？

差不多5呎，不過棵棵唔同既，我種果時個盆太細，如果你既盆夠大應該仲會高D大D。你要用竹幫一幫佢，大風/結果時負荷唔到會折斷架~祝你豐收呀!

承妳貴言啦﹗都希望棵番茄快高長大嘅，之不過個騎樓唔夠位俾佢住，妳摘心都高到五呎，我無摘，咁..............，睇嚟都要幫佢搬家了﹗