公司門外的花園(好耐冇update相喇~)

好耐都冇 update相上o黎. 原來做花農真係幾忙. 日日o的工夫都好似做唔完咁. 做極都有. 唔係換盆就換泥. 唔係溝肥就玩泥. 唔係剪葉就捉蟲. 日日新鮮日日甘. 不過睇到自己搞到個花園咁美觀, 路過o的街坊都會忍唔住停留係度睇, 傾種o野經, 大家研究o下交換心得咁. 日日如是, 對住o的花花草草心境都開朗o的呀. 人都冇咁悶.
比大家睇睇而家我個花園變成點啦.

新建o既花架用來種瓜用,分別種o左(白瓜,壽司青瓜,冬瓜,沖繩苦瓜<由日本買回來的種子>
,雷公苦瓜) 任佢爬

新建o既花架用來種瓜用

呢度係另一邊

呢度係另一邊

包心椰菜

包心椰菜

種o左兩種豆o既棚鵲豆同泰國紫豆角

種o左兩種豆o既棚鵲豆同泰國紫豆角

泰國紫豆角 (三興老闆介紹話佢o的客種比佢食, 佢話好食)

泰國紫豆角

香草區九層塔同甜羅勒

香草區九層塔同甜羅勒

日本枝豆(由日本買回來的種子)

日本枝豆

甘荀仔,紅蔥頭

甘荀仔,紅蔥頭

薄荷

薄荷

唔知咩原因種成年都係咁o既樣o既茄子

種成年都係咁o既樣o既茄子

種子種起萬壽菊

種子種起萬壽菊

牛油南瓜,西瓜, 九層塔, 羅勒

牛油南瓜,西瓜, 九層塔, 羅勒

蕃石榴(煙之紅)

蕃石榴

種o左成年o既辣椒

種o左成年o既辣椒

金錢葉

金錢葉

金錢葉

金錢葉

九層塔, 羅勒

九層塔, 羅勒

日本蕃薯

日本蕃薯

過年後被工廠大廈棄置的年吉, 由我來收留啦.

過年後被工廠大廈棄置的年吉

由苗買回來種成年幾o既木瓜樹

由苗買回來種成年幾o既木瓜樹

自製提子架

自製提子架

3棵木瓜樹最高就最細年紀

3棵木瓜樹最高就最細年紀

整個花園

整個花園

由公改變成女o既木瓜生到有o的怪形狀

由公改變成女o既木瓜生到有o的怪形狀

沙薑

沙薑

避雨避晒區

避雨避晒區

唔知點解翠玉瓜生得好弱

翠玉瓜生得好弱

日本粟米

日本粟米

專用來起種o既日本蕃薯

專用來起種o既日本蕃薯

街坊比o既准山, o的街坊行過多手放種o既木瓜由種子種起

街坊比o既准山, 同街坊行過放種o既木瓜由種子種起

哇!!
十/百擔心機係樹呀
繼續加油!加油!

好壯觀呀....咁多野....真係返工咁返...

嘩,比以前擴展左好多呀! 真係要好多心機先得 肥水少不得
想問下你個提子架點做架?

morning,
無見一排,你都擴張得好緊要喎!

哇!!
十/百擔心機係樹呀
繼續加油!加油!
llaus 發表於 3/8/2010 07:38 AM

我都係盡人事咋~一人之力盡量而為啦.

好壯觀呀....咁多野....真係返工咁返...
cklife 發表於 3/8/2010 08:38 AM

講真, 我都覺我返工係打理個花園. 工作上o既o野就拎返屋企半夜做.

morning,
無見一排,你都擴張得好緊要喎!
muitau 發表於 3/8/2010 11:12 AM

嘿嘿~我都覺得我傻傻o地, 搞咁多, 簡直係癡晒線果隻呀.

嘩,比以前擴展左好多呀! 真係要好多心機先得 肥水少不得
想問下你個提子架點做架? ...
小寶 發表於 3/8/2010 08:58 AM

小寶:  個提子架我都係廢物利用呀, 下面果節就係用角鐵, 上面就用木方. 個木方係呢度o的人裝修拆o左o的架出o黎唔要, 好大件o架. 我自己cut緊o的, 再油白漆油. 用鐵線同拉力帶扎實兩合為一再油晒成個角鐵架係白色. 個角鐵架都係人o地比o既. 唔要o既o野用得就用嘛.

回復 9# fishinglok


    係呀, 我呢度都有好多人棄我取的東西架  上面個架睇唔出係木做的, 又真係幾盞喎~

嘩, 真係好壯觀呀~~~~ 一個人搞到咁多野, 真係厲害!!
似乎你正職先係花農wor
我想問下d蕃薯葉, 點解可以唔洗佢爬, 但係好似張相咁生得咁密??
棵木瓜樹, 原來唔洗落地種都可以結到瓜, 我果棵有希望喇~~ 但係我唔明點樣由公變母??
個提子架好正!!

回復  fishinglok


    係呀, 我呢度都有好多人棄我取的東西架  上面個架睇唔出係木做的, 又真係幾盞喎 ...
小寶 發表於 3/8/2010 01:20 PM

    係呀, 用得唔好浪費丫嘛. 而且我仲係放係出面, 係出面o的o野唔可以咁貴重呀, 係人都行得過, 所以都係用o的唔駛錢o既架好o的. 哈哈~我呢度條走廊最多人想要o既就係泥喇. 呢度o的人個個都想搵泥. 泥係最緊要.最值錢呀.

嘩, 真係好壯觀呀~~~~ 一個人搞到咁多野, 真係厲害!!
似乎你正職先係花農wor
我想問下d蕃薯葉, 點解可以 ...
小美 發表於 3/8/2010 01:46 PM

哈哈係呀, 我似做花農多o的呀, 仲好笑就係有時會有o的(生保)人行過時, 見到咁多花, 就走入來問o的花買唔買. 連鬼佬都試過入來問呀.
我o的蕃薯用個大冰箱種, 佢一爬出o黎, 我就搭返上去咁咪睇落好密咁囉. 而且可能我又落o左好多雞屎肥. 佢就係咁生葉. 仲要係好大塊. 都唔似街市拎來買果o的size咁o既. 不過蕃薯葉我都未食過. 唔知咩味. 下次有機會要試試.

棵木瓜樹, 原來唔洗落地種都可以結到瓜, 我果棵有希望喇~~ 但係我唔明點樣由公變母??
個提子架好正!!
小美 發表於 3/8/2010 01:46 PM

我都係用大膠桶去種. o的人行過成日都話咁都可以種到木瓜出o黎喎. 落肥都係o的金魚死o左就放入去. 冇死魚就放雞屎肥同牛屎肥. 再加o的鉀肥落去. 我已經食o左5個木瓜o架喇. 好濃木瓜味, 但係就冇籽係入面.  我見之前生出o黎o的花係公花, 唔會結果, 我上網查資料, o的人話用竹枝或鐵釘吉落樹幹,當木瓜樹覺得自己有危機時, 就會自己改造基因. 咁就變成兩性. 我見橫樹公都冇用, 咪試o下都冇防啦. 點知又真係得喎. 不過呢棵木瓜樹應該唔係矮種, 佢生得又快又高呀. 最細係佢, 最高又係佢. 我都驚佢仲有排高呀.

今日放埋o的舊相先, 係之前o既收成.

日本薯仔, 係惠康20幾蚊一袋得幾個, 就留來試種.

種o左幾個月就手多多心多多, 用手指了了, 有o野喎. 就成箱倒晒出o黎搵, 搵得真開心呀.


蕃茄

木瓜同楊桃

甘筍仔






蕃石榴

韮菜

壽司青瓜(紅色係壽司青瓜, 藍色係青甜青瓜)


四季豆. 壽司青瓜, 木瓜


木瓜,青甜青瓜, 壽司青瓜

香草區

街坊o既花

日本蕃薯葉係好食好多. 我種果種係紫皮黃心果隻. 比起街市果d味濃好多. 而且d葉綠d.大d. 不過我果棵出葉冇你咁密呀. 而且成日有害虫攻擊.
木瓜樹.....我都係前兩年手痕食完細木瓜貪方便將全部籽倒晒落盆, 係今年先發晒出唻. 因為太多我而家只有留一棵, 听你咁講我都未知佢係公定母. 係咪要等佢開左花先會知道?
原來有得將佢變性, 又幾得意wor.
你d雞屎肥同牛屎肥, 係咪一粒粒製成品? 死魚我都有放, 仲加d龜水.

回復  fishinglok


    係呀, 我呢度都有好多人棄我取的東西架  上面個架睇唔出係木做的, 又真係幾盞喎 ...
小寶 發表於 2010-8-3 13:20

    人棄我取的東西 ,快d諗下點樣溶入田裡面

收成好好呀

日本蕃薯葉係好食好多. 我種果種係紫皮黃心果隻. 比起街市果d味濃好多. 而且d葉綠d.大d. 不過我果棵出葉冇 ...
小美 發表於 3/8/2010 03:57 PM

    我都係等佢有花先知佢係咩咋, 一見到花唔對路咪改性囉. o的蕃薯葉等我下次都試o下炒o黎食先. o的葉真係生得好勁呀. 蟲害呢排都多o左呀, 好多穿洞係度.
我o的雞屎肥同牛屎肥都係粒粒裝, 係三興買o既, 雞屎肥一袋25kg150蚊抵好多, 2kg30蚊果o的唔抵呀. 不過放上車度, 成架車都勁到呀~唔開窗唔得呀. 一袋有排用.

人棄我取的東西 ,快d諗下點樣溶入田裡面
農夫 發表於 3/8/2010 04:23 PM

    係公司門口, 日日都要返公司, 所以係門口會方便好多. 係星期六日冇人淋水要備多o的後備水先可以等到星期一返工時淋. 如果係田, 一星期都唔知會唔會去一兩次呀. 都係公司門口好o的. 何況我已經檔o左呢度係田園花園.